Gantsilyo Guru is Emo

Gantsilyo

Bawat pasok sa butas
Dumudulas
Dumadaan
Dumadaloy sa mga daliring
Nananakit ngunit nangangailangan
Ng dahilan upang magpatuloy
Sapagkat walang saysay
Ang pagtatangkang nag-uumpisa
Sa iisang hatak
Kailangan panindigan
Ang nasimulan
Kahit kumikirot na ang kalamnan
Sa bawat pagdulas
Pagdaan
Pagdaloy
Hanggang sa mabuo
Ang balabal
Mula sa kawalan